夏日炎炎，成面油！？四大膚質護膚妙法幫到你～
成日行街都會見到花多眼亂嘅美容院廣告，美容院傳單，就連垃圾來電都會有美容院，可想言之香港人幾咁貪靚啦！其實想皮膚好唔一定要花咁多錢做facial架，只要有適當嘅護理、飲食同運動，人人都可以皮膚靚靚，無論你係咩膚質都適用架！
飲食 Dieting
檸檬水 Lemon Water
想由內靚到外，咁就一定要從飲食入手喇。唔洗怕，我要講嘅唔係複雜嘅食療，而係十分簡單嘅檸檬水。朝早起身將個新鮮檸檬切開，擠汁落一杯溫水飲用，就可以達至美白同抗氧化，仲可以清理暢胃添！如果怕太酸，可以加一茶匙蜜糖，仲有滋潤效果?。
蔬果植物補充劑 Vegetable Supplements
多食蔬果對皮膚好就係人都知，但係每日要攝取大量唔同種類嘅蔬菜都唔係容易，而且香港人咁忙，唔係成日得閒買餸煮飯，出街食通常都多肉少菜。呢個時候一啲天然蔬果植物補充劑就幫到大家喇。粉狀嘅補充劑可以加入清水、豆漿或者乳酪食，又方便又易吸收。有啲營養補充劑亦標榜幫助排毒，爆少啲瘡，皮膚滑溜！
護理 Skin Care
每日搽防曬 Sun Protection
咪以為陰天落雨就唔洗搽防曬，亦都唔好覺得自己唔想美白就唔洗搽防曬。其實搽防曬主要係為左保護皮膚，免受紫外線傷害。紫外線連雲層、玻璃都可以穿透，會令皮膚失去彈性、出現皺紋同加速老化，所以千其唔好懶，要每日搽防曬呀。
向有害護膚品說不 Go Chemical Free
日常用開嘅護膚品夠好，日子有功就唔洗用facial啦！每個人嘅膚質都唔同，市面上有林林總總嘅護膚品俾大家選擇，無論你揀咩功效嘅護膚品都好，都要切記睇清楚成份，選擇不含有害成份嘅產品。常見嘅有害成份有：防腐劑苯甲酸酯類（Paraben）、礦物油同埋合成香精。皮膚長期吸收呢啲物質，好容易會引起敏感，仲會加速肌膚老化架。愛錫自己皮膚，選用醫學品牌，或者天然有機護膚品，咁就唔會弄巧反拙喇。
清潔 Cleansing
燕麥洗面 Oatmeal Face Wash
燕麥溫和柔軟，唔傷皮膚仲有滋潤作用，用燕麥溝水或者羊奶，放上面度捽開佢，可以用佢日日洗面，會令皮膚白滑，仲可以舒緩過敏，又平又正。
自製磨砂 Homemade Face Scrubs
香港天氣污染嚴重，好容易會毛孔閉塞，搞到粉刺黑頭出哂黎，所以大家記住要每星期做一至兩次磨沙，清除一下死皮角質。其實自製磨砂好容易，天然又有效。大家可以買啲幼細嘅糖，將糖同椰子油以4:3嘅比例撈埋，咁就可溫和磨走死皮。天然椰子油仲有清潔同潤膚護膚嘅作用，平時可以用黎搽手搽身，連潤膚露都慳番。
按摩 Massages
按摩除左可以瘦面，仲會促進面部血液循環，令皮膚更有彈性，好有護膚功效架。例如，大家可以用手指喺額頭位置橫放，然後橫向按摩，可以抗衰老同抗皺。成日用電子產品，對眼好容易攰同浮腫，大家可以按摩眼部周圍。首先由眼角開始，用中指同無名指指腹覆蓋成個眼部，輕手咁劃向外側，咁就可以促進血液喇。
想護膚一定唔可以懶，要持之以恆，配合均衡飲食、定期運動同埋正常作息，大家一齊加油啦！
轉自：Carousell
